Aventúrate con Galicia: campamentos de verán para a mocidade galega do exterior

Aventúrate con Galicia: campamentos de verán para a mocidade galega do exterior

 

A Dirección Xeral de Xuventude e a Secretaría Xeral de Emigración convocan para o ano 2019 o programa de axudas para a participación no programa Aventúrate con Galicia, dirixido a mozos e mozas de orixe galega ou descendentes de persoas emigrantes galegas e que residan no exterior.
Aventúrate con Galicia ten por finalidade facilitar á mocidade da Galicia exterior o contacto coa realidade galega e o encontro cos seus familiares.

Requisitos: 
a) Ter a súa residencia habitual fóra de Galicia. 
b) Ter nacido en Galicia ou seren descendente de persoa emigrante galega. 
c) As persoas participantes deberán ter, o 30 de xullo de 2019, unha idade comprendida entre os 15 e os 17 anos.

Lugar de realización:
1. Actividades no mar-Gandarío: convócanse 20 prazas, que se realizarán no Albergue Xuvenil de Gandarío (Bergondo).
2. Actividades de natureza, ambiente e mar: convócanse 20 prazas que se realizarán no Albergue Xuvenil de Area (Viveiro).
3. Actividades de aventura T: convócanse 10 prazas que se realizarán no Campamento Xuvenil de Chacotes (Palas de Rei).

Datas:
As datas de realización destas actividades serán as comprendidas entre os días 19 e 28 de xullo de 2019.

As solicitudes poden tramitarse en https://sede.xunta.es co procedemento PR930B
O prazo para presentar solicitudes estará aberto ata o 6 de maio de 2019

Máis información no DOG do 4 de abril de 2019 e en http://emigracion.xunta.gal/